Молитва на строительство храма
Благодетелю Человеколюбче Господи, мир подавый роду человеческому! Даруй и ныне мир рабом Твоим, братии прихода во имя Воскресения Словущего; вкорени в нас страх, и друг ко другу любовь утверди; возроди храм сей святый, сохрани от всякаго зла, общину его умножи и укрепи.
Владыко Господи! Ты рекл еси учеником Твоим, яко без Мене не можете творити ничесоже.
Темже молим Тя, Создателю всяческих, подаждь нам смиренным рабом Твоим милостивную помощь Твою: и созижди рукама нашима во граде сем храм во имя Воскресения Словущего, во спасение душ и исцеление телес множества людей Твоих, удаленных ныне Божественнаго Твоего Света и целительныя благостыни Твоея; и молитвами Пречистыя Твоея Матери и всех святых, помилуй и спаси нас грешных. Аминь.